Monday, May 20, 2024
spot_img
HomeNotisiaTitulu noticias. PM inaugurasitiu Turismu We luli Manas,

Titulu noticias. PM inaugurasitiu Turismu We luli Manas,

 

Domingo loron 15 fulan Maiu tinan 2022 nee Primeiru Ministru Taur Matan Ruak Inaugura Fatin Turismu Komunitariu We Luli Manas iha suku Waimori Postu Viqueque vila. Iha diskursu Primeiru Ministru hateten nia sente kontente los hodi partisipa iha seremonia nee tamba iniciativa nee mai hosi PM rasik wainhira sei sai hanesan Presidente Republika. Primeiru Ministru mos hatoo obrigadu no Agradesimentu ba Sefope no Organizasaun Dom Bosco nebe halao obra nee hoodia, no ikus liu PM Taur Matan Ruak mos hatoo agradesementu espesial ba familia Rai nain ( we luli manas nia naiin) Matebian Avo Rafael nia familia tamba Avo Rafael mos kontribui Makaas durante prozetu nee lao.

Nunee mos Administrador Municipiu Viqueque Januario Soares Boli iha nia intervensaun husu ba Governu atu tau nafatin atensaun ba kontinuasaun Prozetu nee tamba sei falta buat barak maka presiza hanesan estrada, Ahi eletrisidade no seluk tan Administrador Nee mos husu atu ema hotu liu liu Sucu Waimori atu tau matan nafatin.

Nunee mos Director Centru Formasaun Profosional Dom Bosco Padre Jose Vataparambil SDB dehan Prozetu refere hahu iha loron 6 fulan Setembro 2018 iha tempu Adminitrador sesante Grigori Henrique nia tempu no remata iha iha tempu Administrador Agora Januario Soares ho nia orsamentu hamutuk $ 230,000.00 no ema sira nebe servisu mesak Viqueque oan nebe mai hosi sentru Formasaun beasu hamutuk ema 48 feto 13 no mane 35.

Iha fatin hanesan Sekretaria Estadu Formasaun Profisional no Empregu entrega ofisialmente fatin Turismu Komunitariu We Luli Manas ba Ministeriu Turismu Komerciu no Industria. Actividade refere halao iha We luli manas wainhira hetan inaugurasaun hosi PM iha domingu loron 15 fulan nee. Iha intervensaun Sekretariu SEFOPE Rafael do Rosario husu lisensa ba rai nain we luli manas atu fo lisensa hodi nia bele hatoo lia fuan ruma. Rafael di Rosario mos dehan orsamentu ba kontrusaun fatin Turismu We Luli Mana hamutuk dolar Amerika 230.000,00  n sekretariu Estadu nian nee mos husu atu ita uza produtu local ka formadus sira nebe remata kursu iha sentru formasaun sira iha rai laran.

Nunee mos Sekretariu estadu Nee mensiona Sira sei entrega obra nee ba iha Ministeriu Turismu Komersiu no Industria atu gere no kompleta buat balun nebe maka seidauk remata, tamba obra refere naiin maka MTCI. No nia mos agradese no hatoo obrigado ba Sentru Formasaun Dom Bosco no mos graduadus sira nebe maka ho pasiensia tomak halao ona obra nee too remata.

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x