Enkaregadu Negosiu Embaixador Estados Unidos Amarica ( EUA ) Thomas E. Daley ( Mr. TOM ) observa diretamente Eleisaun segunda ronda nebe maka halao iha 19-04-2022 iha Municipiu Viqueque. Durante observasaun iha Sentru votasaun balun iha Municipiu Viqueque Enkaregadu embaixador nee dehan, nia hare duni demokrasia lao iha Timor liu-liu iha Viqueque.
“ Hau sente katak prosesu nebe itaboot sira pasa dadaun ne᾽e importante tebes ba kualker Demokrasi, katak importante mos atu ema respeita rezultadu hosi Eleisaun nebe maka foin akontese. No hau hanoin katak ho 16 kandidatus nebe maka ita bo᾽ot sira iha hatudu duni katak Demokrasia iha TL dinamika tebtebes/TL nia Demokrasia diak teb-tebes.”
Mr. TOM mos hatutan dehan maske nia hein hela rezultadu hosi Estae no CNE atu hodi bele fo parabens ba kandidatu nebe manan maibe nia sublinya katak prefere fo liu parabens ba eleitores sira iha TL tamba sira hatudu ona sira nia matoridade hodi exerse sira nia direitu hodi hili.
“ Maske hau hakarak atu ita sei atu fo parabens ba kandidatu nain ruan ne᾽e, maibe hau hakarak liu atu ita fo parabens ba eleitores ka votantes sira tamba sira ba vota ona iha eleisaun ne᾽e hodi hatudu katak sira fo ona sira nia votu ba kandidatu nebe maka sira hili. Entaun ba hau parabens ne᾽e ita fo ba eleitores sira.”
