DNPDML-SEKOMS FO FORMASAUN BA JORNALISTA RPV

Diresaun Nasionál Promosaun no Dezenvolvimentu Mídia Lokal – DNPDML- SEKOMS fo formasaun ba jornalista Radio Povu Viqueque.

Chefi ekipa formador Celestino Freitas, hateten formasaun ne’e hodi aumenta koñesimentu jornalista sira nian hodi produs no hato’o informasaun ne’ebé diak ba komunidade sira.

“formasaun ne’e la’os atu hanorin jornalista sira maibe atu kompleta liutan saida mak jornalista sira iha ona antes ne’e nune’e bele aumenta liu tan kapasidade jornalista sira,” dehan Celestino iha Studio Radio Povu Viqueque tersa feira ne’e (05/07/21).

Pessoal husi DNDPML ne’e hatutan materia formasaun ne’ebé oferese ba radio Komunidade ne’e maka kompostu husi produsaun notisia, talskshow, drama no anúnsio servisu públiku (PSA)

Iha tempu hanesan Jestor Radio Povu Viqueque Florindo de Jesus, agradese ba, DNPDML-SEKOMS tanba delega ona ekipa hodi fo formasaun ba jornalista sira iha Radio Povu Viqueque no husu ba formandus atu partisipa ho ativu.

“Ami kontenti tanba tinan ida ne’e Radio Povu Viqueque tama iha planu formasaun husi diresaun DPNDML-SEKOMS, hau husu mos ba Jornalista no voluntáriu sira atu fokus partisipa iha formasaun ne’e ”

Formasaun ne’e realija durante loron tolu (3), hahú husi loron 5-7 fulan Outubro tinan 2021, Partisipa iha formasaun ne’e jornalista Radio Povu Viqueque nain 4 no voluntário nain 3 inklui grupo rona nain Radio nain 1, kompostu husi feto nain 4 no mane 3.

Jornalista : Manuel Baptista

Editor : Florindo de Jesus